A Piera
Piera, non ti mustres tantu avara
de amore e surrisos delicados
chin custu coro meu, ti prepara
basos e carignos mai provados.
Iscurta, bella, iscurta, rosa rara,
iscurta sos piantos infiammados
chi notte e die pro te, columba cara,
m'essin dae sos ojos disizzados.
Pache, columba mea, pache, tesoro,
istella mattutina de s'oriente
chi costante mi brillas in su coro.
Semus unidos in d’unu destinu:
e deo aspetto cuss'istante ardente
chi amus a dormire sinu a sinu.
Autore Bustianu Satta “PIPIEDDU”
0 commenti:
Posta un commento