martedì 29 giugno 2010

CANTZONI GRAI (Poesia Pesante) -A Gabriele-


Sa pandela sarda da cicipeis.


Paola Alcioni

Tengu po tui una bandera lébia
lébia e una cantzoni grai...

Mannugus de bisus
si lassant scravigai in s’alluinu
‘e s’argiola Is Printzipalis, mancai
apustis bentulau no si nd’abarrit.

Acirrant préxiu in tassas de birdi
fini, Is Printzipalis.
Innoi, canis de stréxiu
si faint a caru comporai ressínniu
po bendi spera a baratu.

Ap’a prangi cun tui candu sa schina
t’as a alliagai asuta ‘e su giuali
de su nudda. T’ap’a strexi
sa buca ferta, spumosa, siddada
a sogas de murrali. T’ap’a donai
acunortu in tribulia, ma
a sa primu oghiada priva
de dinnidadi custa bandera
mia t’ap’a donai, lébia
lébia e artiva.

Che duenna de rebellia antiga
moris de follas insanguentadas
currit a bortas che arrennegu
de ànimas acarcigadas…

E si fúrriat a tzérriu assarragau
de stracia e su celu murru de atóngiu
a petza bia scarràfiat e arretrocit
sa terra che bruncu de sirboni!

Dongant atentzioni Is Printzipalis...

Tengu in coru una cantzoni
grai chi a cantai
no ap’a acudi...
Ma est lébia sa bandera
chi t’apòrgiu: no tenit
che su pesu ‘e unu bisu abrodau
po tui, fillu miu, a colori ‘e ispera
e finiu a filu múrinu ‘e feli
e de dolori...

POESIA PESANTE
Ho per te una bandiera leggera leggera e una poesia pesante...

Quelli che Comandano in aie d’illusione covoni di sogni ci lasciano battere, anche se dopo tolta la paglia non ce ne resta.

Tracannano gioia in bicchieri di cristallo Quelli che Comandano. Qui, i loro tirapiedi ci costringono a svendere speranza per comprarci rassegnazione.

Piangerò con te quando la schiena ti piagherai sotto il giogo del nulla. Ti tergerò la bocca ferita, schiumante, serrata a lacci di cavezza. Ti darò consolazione nel tormento, ma al primo sguardo privo di dignità questa bandiera mia ti darò leggerissima e orgogliosa.

Come fantasma di antica rivolta sentieri di foglie insanguinate percorre a volte come inquietudine di anime calpestate…

E si trasforma in grido rauco di tempesta e il grigio cielo autunnale graffia a carne viva e ara e rivolta la terra come muso di cinghiale!

Stiano attenti Quelli che Comandano...

Ho nel cuore una poesia pesante che non farò in tempo a cantare...
Ma è leggera la bandiera che ti porgo: non ha che il peso di un sogno ricamato per te, figlio mio, colore della speranza e rifinito col violaceo filo dell’ira e del dolore...

lunedì 14 giugno 2010

TOTU EST POESIA

Paola Alcioni












Castia, intzimiat a proi.
Annuadas a bentu arrevesciu
nais de ghisciu
trassant in sa bizarra 'e su celu
sinnus chi no cumprendu.
Ma no ddi fait nudda: totu est poesia.

Proit, fillu miu, sa dì afrigia
stiddiendi in pous di annugiu
arraminadas lagrimas de grunda.
Fintzas in su stugiu 'e is sentidus
tzivinat e s'unda de Maistrali
incrubat acuzzas tzinnigas de dolori.

Po m'avesai a su marigosori 'e sali
de custu mali de bivi, deu, sossoìni
de pena, in s'arena arrexinis emu postu.
Nùas mi ddas lassàt 'onnia sbentuliàda
e no 'nd allebiàt s'acua s'asciutori.
Imoi, candu sa mannària 'e su celu
in cascias de umbra
is neas s'aguantad asurìa,
de sa manu mia si strobint arannias
sintzieddus i arrandant tirinnia de fueddus
in sa trama tirada de s'abetu. Aici
sciortu su spantu de sogas di apretu
totu si fait cantu e poesia
in custa 'ia de nebida e de vida.
E mancai si scurighint is bisus
in is trobeas de su tempus
no lassu prus chi arrisus axedint
che binu intristau. Tui mi dd'as imparau,
limbichendi de pixidas currentis
de axìu su prexu di essi biu.

Castia maìstu miu piticu, bisadori,
de bisus mannus mannus: no proit
prus. Nais de craboni
trassant in sa pruinca 'e su celu
bolidus chi si stesiant.
Ti 'nd'as andai tui puru?
Si strobint de sa manu mia in su saludu
de cilixia caus e de ressinniu.
De sa tua arrundilis chi lestras
torrant in carinniu di allirghia
narendi: est berus, totu
-totu! - est poesia.











Nota:
Una donna parla al figlio chiamandolo piccolo maestro, sognatore di grandissimi sogni, perché attraverso di lui ha scoperto la poesia anche nel male di vivere, che sembra non volerci dare tregua. E così è possibile che la pioggia, il vento, come il cielo avaro, rivelino un volto diverso. Il bambino distilla "da oscure correnti d'angoscia la gioia di vivere". La poesia è particolarmente ricca di energia icastica profonda, che si sprigiona da una serie di immagini simboliche di sicura efficacia rappresentativa, grazie anche ad un lessico che non indulge a facili richiami di leggerezza, ma s'impone per la sua pregnanza semantica.