giovedì 22 agosto 2013

I obrescit fitianu…




( Paola Alcioni Sa Cantadora )


I obrescit fitianu
in sa praia,
asuba ‘e is undas nostas
chen”e pasu.

Ma giai di atesu tui
bis lompendi
fridu
s’esperu ‘e su sentidu.

Stimau, m’ap’a
pratziri s’anima in duas
perras
cun annugiu estremau,
i ap’a fai vela
faci a su disterru,
portu chena luxerras
aundi mai si pasiant
is caus.

De ingunis fueddus
mai naus ap’a cantai
chi ti lompant santzinaus
de is undas longas.

E tambeni t’ap’a stimai
de ingunis, anima bella.

E donnia bentu
e donnia
barca chi at a torrai
t’at a nai su coru
‘e circhiolla, sa bellesa
arrosa de follita, s’asula
arrexini de cristallu
de custa nea po tui
aguantada pipìa.

No at essiri mai duenna
sbisurìa de issa e totu .

Ma cussu portu est
atesu. Tui no mi lessis
andai: stringimì sa manu.
Est obrescendi, no bis?

I obrescit fitianu…


Reazioni:

0 commenti: