PREGADORIA A SA TERRA MIA

PREGADORIA A SA TERRA MIA

- Paola Alcioni -


Ancu cust’umbra de axiu
lompat sentz’’e sprama,
cun passu lébiu e manu sentz’’e tírria,
po ‘ndi studai s’úrtimu bisu miu,
Terra Mama.
E candu ap’essi arruta cara a is nuis,
firmu unu bólidu ‘e spantu
in is pipias,
dolori e timorias apaxiamí
e asciutamí su prantu.
Prenimí cun s’imprassu ‘e su bentu
is bratzus obertus debadas, che sa gruxi,
e unu carínniu arraspinosu ‘e arena
m’intreghit unda a sa praja sullena
de s’urtimu sonnu.

Ti torru gràtzias po su chi no apu tentu,
chi no lassu cun làstima innoi:
no lassu gosus, sceti su proi proi
e sa strossa de pèsperus nuscosus.

Anninniamí, Mamai, cun su zúmiu
de una durci cantzoni in sa tzinniga
e arregordu ‘e mali no mi portit
su tzérriu tzirrichiosu ‘e su maistrali,
candu fridu affarruncat de is notzentis
tzinníbiris de mari frunzas fertas.

Lassamí is pibiristas obertas:
no timu prus s’arrori de s’aera
abbrigada de su soli ‘e s’istadi.

Ma tui, chi arréxinis e língua m’as donau, chistidí
custu studau losíngiu ‘e solidadi
in s’amori de is intrànnias tuas:
ancu tengat spera cras
de intzeurrai frori
o aira po ‘ndi pesai
arta
una bandera...


PREGHIERA ALLA MIA TERRA


Fa che quest’ombra di angoscia giunga senza spavento, con passo leggero e mano senza odio, per spegnere l’ultimo mio sogno, Madre Terra. E quando cadrò col viso alle nuvole, immobile un volo di stupore nelle pupille, dà pace al mio dolore e alle paure e asciugami il pianto. Riempimi con l’abbraccio del vento le braccia invano aperte, come in croce, e una carezza ruvida di rena mi affidi onda alla spiaggia serena dell’ultimo sonno.
Ti ringrazio per ciò che non ho avuto, che non lascio qui con rimpianto: non lascio gioie, solo la pioggia e lo strazio di vespri profumati. Cullami, Madre, con il sibilo di una dolce canzone tra i giunchi e ricordo di male non mi porti il grido stridente del maestrale, quando freddo afferra degli innocenti ginepri di mare le fronde ferite. Lasciami le palpebre aperte: non temo più l’orrore dell’aria rovente del sole dell’estate. Ma tu, che radici e lingua mi hai dato, conserva questo spento lucignolo di solitudine nell’amore delle tue viscere: che abbia speranza domani di germogliare fiore o ira per levare alta una bandiera…