A casu, Signora mia,
sezis cudda lastimada,
afflitta, disconsolada,
sa chi si narat Maria?
Comente mare de agonia
e de contrariedade?
Nade, Signora, e pro chie
su mantu nieddu portades?
Unu fizu chelestiale
han mortu a issa tambene,
a totus faghiat bene
e a nemos faghiat male;
cun cussu dolu mortale
su coru nos trapassades.
Nade, Signora, e pro chie
su mantu nieddu portades?
Signora posta in fastizu,
nademi os cun trista boghe,
si su mortu chi est inoghe
bos toccat de parentizu,
si accasu est bostru fizu
su mortu chi abbrazzades.
Nade, Signora, e pro chie
su mantu nieddu portades?
(Gosos de sa Vergine addolorada, Po sa prima die)